Մենք կրկին եկանք ձեզ հետ ամփոփելու մեր հագեցած օրը: 

Երկրորդ օրը սկսվեց Կարինե Դավթյանի կողմից նախորդ օրվա ամփոփմամբ։ Մասնակիցները խաղի միջոցով  վերհիշեցին նախորդ օրը ստացած գիտելիքները, ինչպես նաև՝ սիրելի և տպավորված պահերը։

Այնուհետև մեր դասընթացավար-հոգեբան Անեթ Շամիրյանը վարեց «Նոր միջավայրում ադապտացիա։ Հուզական կայունության ձեռքբերում։ Մեխանիզմներ» թեմայով դասընթաց, որի ընթացքում տեղահանված կանայք գործնական աշխատանքների միջոցով փորձեցին հասկանալ հուզական կայունության կարևոր գործողությունները:

Օրվա առաջին մասն ամփոփվեց Կարինե Դավթյանի կողմից իրականացված թիմային աշխատանքով, որն ուղղված էր միմյանց ավելի լավ ճանաչմանն ու լիցքաթափմանը:

Օրվա երկրորդ մասում մեր հոգեբան Լաուրա Հարությունյանն անցկացրեց ակվատիպիա, որի ընթացքում մասնակիցները իրենց ընտրած երեք գույներով նկարեցին ապակու վրա, և հետո պատկերը թղթի վրա արտատպելով վերլուծեցին այն՝ գտնելով նոր բնութագրեր։ 

Այնուհետև, իրականացվեց տեղահանված կանանց հիմնախնդիրների ու առաջարկությունների հավաքագրումը  Կարինե Դավթյանի և Սիրարփի Միքայելյանի կողմից։

*Ծրագիրն իրականացնում ենք Կանանց Ռեսուրսային Կենտրոնի և Շվեդիայի աջակցությամբ։Իսկ դուք մեր գործունեությանն աջակցելու համար կարող եք նվիրաբերություն կատարել սեղմելով այստեղ։