Մենք մշտապես բարելավում, կատարելագործում ենք մեր ծրագրերը:

Այս անգամ «Կանանց տնտեսական հզորացում» ծրագիրն իրականացնող թիմը հանդիպել է Մարզպետարանի աշխատակիցների և համայնքների ղեկավարների հետ և ներկայացրել ծրագիրը:

Հանդիպման ընթացքում համատեղ քննարկել ենք ծրագրի զարգացման հնարավորությունները և ընդգծել արդյունավետ ուղիներ:

Հիշեցնենք, որ «Կանանց տնտեսական հզորացում» ծրագիրը նպատակ ունի սոցիալապես խոցելի խմբերի կանանց հնարավորություն տալ

ձեռք բերել գիտելիքներ և հմտություններ աշխատաշուկայում ինտեգրվելու և մրցունակ դառնալու համար,

մասնակից դառնալ կառավարման և մասնակցային գործընթացներին, տեղեկանալ ՏԻՄ ծառայությունների մասին,

հիմնել և զարգացնել գյուղատնտեսական կամ միկրոձեռնարկատիրական տնտեսություններ:Դասընթացների մասնակից կանայք հնարավորություն կունենան նաև գործնականում կիրառել իրենց գիտելիքներն ու հմտությունները փոքր դրամաշնորհների միջոցով ու ավելացնել իրենց եկամուտը:

Ծրագրի տնտեսական բաղադրիչն հաջողությամբ ավարտած կանայք կկարողանան մասնակցել փոքր դրամաշնորհային մրցույթի։ Ընդհանուր ծրագիրն իրականացվում է Գեղարքունիքի, Շիրակի մարզերում և Երևանում։

Շիրակի մարզում մեկնարկող ծրագրին մասնակցելու համար կարող են դիմել Անի, Արթիկ և Ախուրյան խոշորացված համայնքներում բնակվող կանայք և աղջիկները։

Ծրագրին դիմելու համար խնդրում ենք լրացնել հետևյալ հայտը` https://forms.gle/51PVQxpYkPv8A93N7

Ծրագիրն իրականացնում ենք Վորլդ Վիժն Հայաստանյան գրասենյակի, «Կանաչ Արահետ» ՀԿ-ի, «Հայկական բարեգործական ընդհանուր միության» համագործակցությամբ՝ Վորլդ Վիժնի Ամասիայի և Ճամբարակի Տարածքային Կենտրոների, «Մարտունու Կանանց Համայնքային Խորհրդի», «Կանանց իրավունքի տուն» ՀԿ-ի համատեղ ջանքերով։

Ծրագիրն իրականացվում է «Կանանց տնտեսական հզորացում Հարավային Կովկասում, փուլ II» ծրագրի շրջանակներում, որն իր հերթին իրականացվում է ՄԱԿ-Կանայք և ՄԱԿ-ի Զարգացման ծրագրի կողմից համատեղ: