Մեր մասին

Կանանց իրավունքների տունը (ԿԻՏ) հիմնադրվել է 2017 թվականին, Շիրակի մարզի Գյումրի քաղաքում: Այն ստեղծվել է կանանց իրավունքների և շահերի ընդհանրության, հավասարության ու ապահովության գաղափարի շուրջ՝ խթանելով կանանց իրավունքների պաշտպանությունը, ջատագովելով նրանց հարցերի շուրջ հանրային քաղաքականության փոփոխությունը, և տրամադրելով կարիքների վրա հիմնված տարատեսակ ծառայություններ։

Կանանց իրավունքների պաշտպանության ոլորտում կարևոր հանգամանք է ֆեմինիստական մոտեցումով աշխատելը, քանզի այս մոտեցումը ևս բացառում է համայնքի որևէ խմբի նկատմամբ ցանկացած տեսակի խտրկանությունը, անարդարությունը և/կամ անհավասար մոտեցումը:

«Կանանց իրավունքների տուն» կազմակերպությունն աջակցում է աղջիկներին, կանանց և իրենց երեխաներին՝ տրամադրելով անվճար իրավաբանական, հոգեբանական և սոցիալական խորհրդատվություններ, նաև ապահով կացարանի, սնունդի ու հիգիենայի պարագաների գնման համար ֆինանսական աջակցություն ընտանեկան/սեռական բռնության դեպքերով, ինչպես նաև տրամադրում է իրավաբանական և սոցիալական խորհրդատվություն՝ աշխատանքային իրավունքների ոտնահարման դեպքերով։ Բացի այդ, Կազմակերպությունը նաև նպաստում է կանանց և աղջիկների տնտեսական զորեղացմանը, նպաստելով վերջիններիս ներգրավվածությունն աշխատաշուկայում, ձեռնարկատիրության և կրթական ոլորտներում։ Բացի այդ, աջակցում է նոր մասնագիտությունների ձեռքբերման և կանանց քաղաքական մասնակցության խթանման ուղղություններով:

2022 թվականից ի վեր կազմակերպությունը ՀՀ Աշխատանքի և սոցիալական հարցերի նախարարության կողմից ընտրվել է որպես Շիրակի մարզի ընտանեկան/սեռական բռնության կանխարգելման մարզային կենտրոն։

Նպատակներ

նպաստել կանանց հիմնարար իրավունքների լիարժեք իրացմանը, համայնքի հզորացմանը, կանխարգելել նրանց նկատմամբ բռնությունը և պաշտպանել նրանց իրավունքները ոտնահարումից և շահագործումներից,
բարձրացնել կանանց իրազեկվածության և գիտելիքների մակարդակը,
տրամադրել կարիքների վրա հիմնված աջակցություն,
կանանց տնտեսական հզորացումը,
խթանել կանանց մասնակցությունը քաղաքական որոշումների կայացման գործընթացում,
աջակցել ժողովրդավարության զարգացմանը Հայաստանում։

Ուղղություններ

Կանանց իրավունքների պաշտպանությունը և նրանց նկատմամբ գենդերային հիմքով բռնության, մասնավորապես՝ ընտանեկան/սեռական բռնության կանխարգելումը։
Կանանց տնտեսական զորեղացումը և աշխատանքային իրավունքների պաշտպանությունը, մասնավորապես ֆինանսական անկախության ձեռքբերումը, ինչպես նաև վերջիններիս ներգրավվածությունն աշխատաշուկայում, կրթական և ձեռնարկատիրական ոլորտներում։
Կանանց մասնակցության խթանումը քաղաքական որոշումների կայացման գործընթացներում։

Առաքելություն

նպաստել կանանց համար հավասար, բարեկեցիկ և ապահով միջավայրի ստեղծմանը` կանխարգելելով նրանց նկատմամբ բռնությունը, աջակցելով նրանց ու խթանելով մասնակցայնությանը կյանքի բոլոր ոլորտներում։

Տեսլական

ունենալ հասարակություն, որտեղ գենդերային հավասարությունն ապահովված է, կանայք պաշտպանված են ցանկացած տեսակի բռնությունից և ունեն բարեկեցության ապահովման համար անհրաժեշտ պայմաններ։

Արժեքներ

Պաշտպանվածություն
Ապահովություն
Հավասարություն
Բազմազանություն
Համերաշխություն

Անդամակցություն

ՀՀ Աշխատանքի և սոցիալական հարցերի նախարարության կից՝ երիտասարդների, կանանց զբաղվածության հարցերով խորհրդի անդամ,
Ընդդեմ կանանց նկատմամբ բռնության կոալիցիայի անդամ,
Աշխատանքի և սոցիալական հարցերի նախարարությանը կից ընտանեկան բռնության կանխարգելման խորհրդի անդամ,
Պետական ոչ առևտրային կազմակերպությունների /ՊՈԱԿ/ նկատմամբ հասարակական վերահսկողություն իրականացնող դիտորդական խմբի անդամ,
Հոգեբուժական հասատատություններում մոնիթորինգ իրականացնող խմբի անդամ,
Պետության կողմից ընտանեկան բռնության ենթարկված անձանց ֆինանսական փոխհատուցման տրամադրման ընտրող հանձնաժողովի անդամ,
Անկախ դիտորդ դաշինքի անդամ,
ՀՀ Մարդու իրավունքների պաշտպանին առընթեր կանանց իրավունքների հարցերով հասարակական խորհրդի անդամ,
Ընտանեկան բռնության աջակցման կենտրոնների կոալիցիայի անդամ,
Համաշխարհային բանկի կողմից ստեղծված Կանանց տնտեսական հզորացման խմբի անդամ,
Գենդերային հարցերով զբաղվող Շիրակի մարզային հանձնաժողովի անդամ,
Արևելյան գործընկերության քաղաքացիական հասարակության ֆորումի հասարակության ֆորումի Հայաստանի ազգային պլատֆորմի անդամ,
Ախուրյանի և Աշոցքի ՄՍԾ տարածքային կենտրոնների համակարգող խորհուրդների անդամ,
«WAVE» ցանցի անդամ,
«SHINE» առցանց հարթակի անդամ, որի նպատակը կանանց և աղջիկների նկատմամբ բռնությանը վերջ տալու վերաբերյալ գիտելիքների և փորձի փոխանակումն է։