Հետազոտությունը նպատակ ունի ուսումնասիրել «Ընտանեկան կենցաղային բռնության կանխարգելման և ընտանեկան բռնության ենթարկված անձանց պաշտպանության մասին» ՀՀ օրենքի կիրառման մեխանիզմները, ինչպես նաև բացահայտել բռնության մասին հաղորդելու ընթացքում առաջացող խոչընդոտները։

Հետազոտության ընթացքում կիրառվել են հետյալ երեք

մեթոդները`

• փաստաթղթային վերլուծություն
• դեմ առ դեմ հարցումներ՝ տուժած անձանց հետ
• խորին հարցազրույցներ՝ ոլորտի ներկայացուցիչների և փորձագետների հետ

Հետազոտությանը կարող եք տեսնել այստեղ։

 «Գյումրի քաղաքում բնակվող Արցախից բռնի տեղահանված անձանց իրազեկվածության մակարդակի բարձրացում»

Հարցումն իրականացվել է 2023 թվականին Արցախից բռնի տեղահանված և Գյումրի քաղաքի նախկին հիվանդանոցային տարածքում բնակվող 43 անձանց շրջանում։

1. Ծրագրի հիմնական նպատակը՝ իրազեկվածության մակարդակի բարձրացումը, իրականացվել է հետևյալ քայլերի միջոցով՝

• • իրականացվել է կարիքների գնահատում՝ հարցման միջոցով
  • բացահայտվել է տեղեկատվության պակասը
  • պարզվել են տեղեկատվության ստացման նախընտրելի ձևերը

• մշակվել և տրամադրվել են իրազեկող թռուցիկներ՝ անհրաժեշտ տեղեկատվությամբ

Հարցման վիճակագրությանը կարող եք ծանոթանալ այստեղ։

2023 թվականի սեպտեմբերի 19-ին Արցախում հակամարտության հետևանքով առաջացած բռնի տեղահանումը հանգեցրել է զգալի և բազմաբնույթ մարտահրավերների՝ տեղահանված անձանց և ընտանիքների համար։ Այս մարտահրավերները ընդգրկում են տնտեսական, սոցիալական, կրթական և առողջապահական ոլորտները։

Ստորև ներկայացված են հիմնական ոլորտային հիմնախնդիրները՝

1. Բնակարանային ապահովման խնդիրներ
2. Պետության կողմից տրամադրվող ռեսուրսների ոչ հասցեական բաշխում
3. Սոցիալական խնդիրներ
4. Կրթական խնդիրներ
5. Զբաղվածության խնդիրներ
6. Առողջապահական հիմնախնդիրներ
7. Քաղաքացիական կացության ակտերի գրանցման (ՔԿԱԳ) մարմնի հետ կապված խնդիրներ
8. Դատական վճիռների բողոքարկման/բեկանման հետ կապված խնդիրներ։

Ավելին կարող եք կարդալ այստեղ։

Գնահատման նպատակն էր Շիրակի մարզում բնակվող տեղահանված անձանց առաջնային կարիքների բացահայտումը և դրանց հիման վրա համապատասխան աջակցության տրամադրումը՝ ներառյալ տեղեկատվական, իրավաբանական և սոցիալ-հոգեբանական ծառայություններ, ինչպես նաև ուղղորդում։

Տվյալ կարիքների հրատապ գնահատումն իրականացվել է «Կանանց իրավունքների տուն» ՀԿ-ի կողմից՝ Սևծովյան տարածաշրջանային համագործակցության հիմնադրամի (GMF Transatlantic Trusts / Black Sea Trust) աջակցությամբ՝ «Արցախից բռնի տեղահանված կանանց և աղջիկների համար նպատակային կանխարգելման և մեղմացման» ծրագրի շրջանակներում։

Ամբողջական ձեռնարկը կարող եք տեսնել այստեղ։

Հաշվի առնելով աշխատանքային իրավունքների խախտումները ԿՈՎԻԴ-19 համավարակի պայմաններում կանանց աշխատանքային և այլ իրավունքների ոտնահարումների վերաբերյալ իրավիճակը Հայաստանում, մասնավորապես՝ Շիրակի տարածաշրջանում, կազմակերպությունն իրականացրեց հետազոտություն, որի նպատակն էր մանրամասն ուսումնասիրել աշխատանքային իրավունքների խախտումների դեպքերը Շիրակի մարզում, վերլուծել և պատրաստել առաջարկությունների փաթեթ՝ պետական մարմինների և գործատուների հետ հայտնաբերված խնդիրները լուծելու համար:

🔴 Հետազոտությունը կարող եք գտնել այստեղ

Կանանց իրավունքների տունը Եվրոպական միության և Մարդը կարիքի մեջ կազմակերպության ֆինանսական աջակցությամբ իրականացրած Հայաստանում աշխատանքային իրավունքների պաշտպանության բարձրացում ծրագիրի շրջանակներում անցկացրել է ՀՀ ԱՍՀՆ ԶՊԳ 6 տարածքային կենտրոնների կողմից 2021 թ․-ին իրականացված զբաղվածության պետական մեկ՝ 3)Ձեռք բերած մասնագիտությամբ մասնագիտական աշխատանքային փորձ ձեռք բերելու համար գործազուրկներին աջակցության տրամադրում ծրագրի վերլուծություն։
Վերլուծությունն ամբողջական կարող եք տեսնել այստեղ։

Կանանց իրավունքների տունը «Շիրակի երիտասարդության ներգրավում գենդերային դերերին և կարծրատիպերին մարտահրավեր նետելու գործում» ծրագրի շրջանակներում պատրաստել է «Գենդերի, գենդերային կարծրատիպերի, խտրականության և անհավասարության անատոմիան» ձեռնարկ։

Ձեռնարկում ներկայացված են գենդեր, գենդերային հավասարության և կարծրատիպեր և այլ հարակից թեմաներ, ինչպես նաև արվեստի մրցույթում հաղթող 3 մասնակիցների աշխատանքները։

Ամբողջական ձեռնարկը կարող եք տեսնել այստեղ։

*Կազմակերպության շուրջօրյա թեժ գիծն է՝ 077 570 870։

Մեզ կարող եք հետևել նաև հետևյալ հարթակներում.
Ֆեյսբուք
Ինստագրամ
Լինքդին
Յութուբ
Վեբ կայք

Տեղեկացնենք, որ ծրագիրն իրականցվում էր ԱՄՆ դեսպանատան աջակցությամբ:

Կանանց իրավունքների տունը, որպես Խնամքի հաստատությունների դիտորդական խումբ/Monitoring Group of Care Houses -ի անդամ, կիսվում է Երևանի «Զատիկ» երեխաների աջակցության կենտրոն 2023թ. մարտի 29-ի այցի վերաբերյալ հրատապ զեկույցը։
Զեկույցում ներկայացված են երեխաների, այդ թվում՝ հաշմանդամություն ունեցող երեխաների նկատմամբ ֆիզիկական և սեռական հնարավոր բռնությունների, վատ վերաբերմունքի, խտրականության, երեխաների շրջանում վատ սովորությունների, ինքնավնասումների, ինքնասպանության փորձերի կամ ցանկության մասին իմանալու դեպքում ոչ բավարար արձագանքման, աղջիկների վերարտադրողական իրավունքի և այլ իրավունքների խախտումների վերաբերյալ մի շարք տեղեկություններ։
Զեկույցի ամբողջական տարբերակը (ներառյալ մեթոդաբանությունը, հիմնական դիտարկումները, հրատապ առաջարկությունները և դրանց վերաբերյալ մեկնաբանությունները) տեսնելու համար, կարող եք անցնել հղումով՝ https://bit.ly/3nXcFs1

Վերոնշված զեկույցում առկա խնդիրների վերաբերյալ քննարկումը կարող եք տեսնել հետևյալ հղումով՝ https://www.facebook.com/mediacenterarmenia/videos/101144362961843